264 f840472e9df3b374145edbf474330346635aee0687c38cbdf949186b09b8474d
The Devil and Miss Prym
Зохиолч:Paulo Coelho
Нийтэлсэн:
2017-10-23
Picture
Их уншигдсан
Сүүлд нэмэгдсэн
Их сэтгэгдэлтэй
The Devil and Miss Prym
Paulo Coelho

Дахиад өнөөх Бразил зохиолчоо бичээд уналаа гэж бодож магад. Гээд яахав дуртай юм хойно уншсан номноосоо оруулаад л байяа. Манайхан удахгүй эх хэлээрээ унших тэр өдөр миний энэ оруулсан тэмдэглэл хэрэг болж юуны магад.

Уулын нэгэн унтаа тосгонд ирсэн залуу хачин жигтэй саналыг тавьлаа. Залуу хүн үлдээгүй энэ тосгоныхон бие биеэ ах дүү шигээ мэднэ. Арга ч үгүй биз яг тоолвол 281 хүн амьдардаг юм гэнэ.

Долоо хоногийн дотор энэ тосгонд хэн нэг хүн амиа алдах аваас тосгоны хүн бүр алтаар шагнуулна гэсэн хэрцгий саналыг дуулгалаа. Чөтгөрийн гэмээр энэ өдөөн хатгалга тосгоныхоныг ёс суртахууны төөрөгдөлд орууллаа. Карлос гэх тэр залуу тосгондоо ганц байдаг буудлын үйлчлэгч хүүхэн болох Miss Prym-д алтаа хаана нууснаа зааж өгөөд, хэрэв тосгонд аллага гарсан тохиолдолд үлдсэн 9 гулдмай алтаа бүгдийг нь өгнө гэв.

Miss Prym-д хоёр сонголт байлаа.

Нэг нь зааж өгсөн алтыг хулгайлаад том хотруу зугатаж, өөрийн мөрөөддөг байсан амьдралаар амьдрах. Энэ тосгонд бараг өөрөөс нь өөр залуу хүн үлдсэнгүй. Найз нөхөд бүгд л сайн сайхан амьдарч, хань ижилтэй болсон байхад Prym харин ашиг орлого гэхээргүй буудлын баранд зөөгчөөр ажиллана. Хааяа хэний ч хамаагүй өвөрт орж өөрийгөө зугаацуулах ч одоо бол энэ амьдрлаасаа залхжээ. Тэгэхээр эхний сонголтыг хийгээд явахад хожно уу гэхээс алдах зүйлгүй.

Хоёр дох сонголт, тосгоныхоо хүмүүсийг ятгаж хэн нэгнийг үхэлрүү илгээх. Мэдээж бүгдээрээ хэлэлцвэл буруугүй ч гэсэн энэ тосгонд хүн чанараа чөтгөрт худалдчих хүн захаас аваад зөндөө. Гэхдээ хэнийг золиосонд гаргах вэ гэдэг асуулт гарч, алтаа амалсан Карлос харин тэднийг ямар шийд гаргахыг хүлээн суух л үлдэж.

Алив зүйл яагаад хоёр талтай байх ёстой юм бэ? Хүн яагаад сайн муу чанартай байх ёстой юм бэ? Тэгвэл ямар хүнийг сайн гээд ямар хүнийг муу гэх вэ? гэсэн асуултыг Паоло Коельо уншигчдаас асуужээ.

Номын эхэнд Эртний Персийн домог болоод Библийн сургаалиас иш татжээ. Эртний Персийн домогт Бурхан орчлон хорвоог бүтээгээд эргэн тойрноо нэг харлаа. Бүх зүйл түүнд байх хэдий ч бас нэг зүйл дутагдаад болдоггүй. Өөрт байгаа бүхнээ хуваалцаж байх хэн нэгэн хэрэгтэй гэж үзжээ. Тэгээд мянган жил мөргөж залбирсны хүчинд (Гэхдээ хэнд залбирсныг нь дурдсангүй) хөл хүнд болжээ. Бүх зүрх сэтгэлээ зориулсан хүү нь орчлонгийн бүх зүйлийг ганцаар үүрч чадах эсэхэд санаа зовниж ихэр хүүхэдтэй болохоор шийдлээ. Нэг нь Сайн буюу Ормузд, нөгөө нь муу буюу Ахриман. Ормузд хүү нь залбиралын хүчээр бий болсон бол Ахриман хүү нь зовнил шаналалын үрээр бий болсон тухай.

Ариун Библиэс зохиогч Адам Евагийн түүхийг дурджээ. Сайн муу гэж чухам юу болохыг үл мэдэх Адам Ева хоёрт хорт жимс идүүлж буй домогийг эшлэн эхэлсэн нь сонирхолтой.

Тосгоныхон ямар шийдэлд хүрснийг “The Devil and Miss Prym” номноос мэдэж аваарай…

Нийт сэтгэгдэл : 0